Safety Factors

خلينا كدة نكمل الاختلافات بين الكود المصرى ECP203-18 و الكود الامريكى ACI318-19

هنتكلم النهاردة عن معاملات الامان و ازاى كل كود بيوفر الأمان للعنصر الخرسانى

في الاول خلينا نعرف ايه فايدة معاملات الامان و ليه بلجأ ليها..

١- الاحمال الحقيقية علي المنشأ ممكن تتغير عن اللي صممت عليها

٢- ممكن توزيع الاحمال كمان يكون متغير عن اللي انا صممت عليه... دايما بفرض الحمل الحي حمل موزع ولكن هو احيانا بيكون حمل مركز

٣- الفرضيات و التبسيطات اللي اعتمدت عليها في الحل اللي ممكن تخلي ال straining actions الحقيقية اقل من المحسوبة

٤- ممكن تختلف ابعاد القطاع في الموقع عن التصميم حتي لو بضع من المم

٥- ممكن اسياخ التسليح متبقاش في المكان اللي حددته في التصميم

٦- مقاومة المواد ممكن تختلف عن اللي فرضته في التصميم.


علشان كل ده بلجأ لمعاملات الامان و منها نوعين

1⃣معاملات تكبير الاحمال
2⃣معاملات خفض المقاومة

---------------------------

واحدة واحدة بقي و ركز معايا

1⃣ معاملات تكبير الاحمال

ده بتكون موجودة في load combination ولكن بتختلف من كود لاخر

في الكود المصري من ضمن المعادلات

U=1.4DL +1.6LL

يعني الكود بيكبر الاحمال الميتة بنسبة ٤٠٪ و الاحمال الحية بنسبة ٦٠٪
طب بالنسبة للكود الامريكي بقي 🤨

U=1.4DL
OR
U=1.2DL+1.6LL

هنا الكود الامريكي بيكبر الاحمال الميتة بنسبة ٤٠٪ لو هاخد تأثيرها لوحدها

انما بياخد نسبة تكبير ٢٠ ٪ وللاحمال الحية ٦٠٪ و ده غالبا ال CRITICAL CASE
---------------------------
2⃣معاملات خفض المقاومة

ديه مهمة جدا لان كل كود بيتعامل فيها بطريقة مختلفة

لان الكود المصري بيعتمد في حساب مقاومة القطاع علي حساب الاجهادات

معادلات لحساب

اقصي اجهاد شد
اقصي اجهاد ضغط
مقاومة القص
مقاومة التماسك

وكلها عبارة عن اجهادات

علشان كدة معامل الامان هنا.. انه بيقلل مقاومة (اقصي اجهاد) للخرسانة والحديد

بيقلل الخرسانة بمعامل
(1.5:1.73)

و الحديد
(1.15:1.32)

وكل ده حسب قوة الضغط اللي بيتعرضلها القطاع.

وهنا لازم اتاكد ان اقصي اجهاد علي القطاع اقل من اقصي اجهاد يقدر يتحمله القطاع مقسوم علي معامل الامان.


طب الكود الامريكي بقي 🤔

الكود بيتعامل مع مقاومة القطاع علي انها اقصي straining action  يقدر يتحملها القطاع بالكامل

علشان كدة دايما في اي معادلك في الكود هتلاقيه بيضرب في ابعاد القطاع (b, d) علشان يحول الاجهاد لقوة

معادلات لحساب

اقصي عزم
اقصي قوة ضغط
اقصي قوك شد
اقصي قوة تسبب قص

و بالتالي معاملات الامان (فاي) هنا بتختلف حسب straining action اللي هحسبه

- قوة محورية مركزية او لا مركزية مع حدوث انهيار شد =0.9


- قوة محورية مركزية او لا مركزية مع حدوث انهيار ضغط

لو كانات منفصلة =0.75

لو كانات حلزونية = 0.65

-القص =0.75
-اللي =0.75

و هنا لازم اتأكد.. مثلا

انا اقصي عزم علي القطاع اقل من اقصي عزم يقدر يتحمله القطاع مضروب في معامل الامان(اقل من واحد طبعا)

تعليقات

إرسال تعليق

المشاركات الشائعة من هذه المدونة

GFRP

صورة
GFRP📖 تعرف يعنى ايه GFRP؟ هى قضبان التسليح المركبة “المصنوعة من البلاستيك المقوى بالألياف الزجاجية GFRP Glass fiber reinforced polymer  طب ايه هي مميزاته عن حديد التسليح العادي؟ ركز معايا يا بشمهندس... 🛑١- وزنه تقريبا يساوى ٣٠٪ من وزن الحديد. طب هستفيد ايه من ده ؟ اولا وزن المنشأ هيقل ويالتالي الأحمال هتقل و ده هيظهر اوى فى العناصر كثيفة التسليح ثانيا وزنه الخفيفة بيسهل عملية النقل... يعني ممكن تنقل اطنان منه للموقع فى نقلة واحدة على عكس الحديد العادى 🛑٢-  مقاومة الحديد بتكون تقريبا اربع أضعاف الحديد العادي... بحيث ان اجهاد الخضوع ممكن بيكون فى حدود من ٩٠٠ الي ١٣٠٠ ميجاباسكال... ولكن الحديد العادي غالبا ٣٥٠ او ٤٠٠ او ٤٢٠ ميجاباسكال... و ده هيخليني اقدر أقلل كمية الحديد وزي ما كلنا عارفين سعر الحديد دلوقتي 😳 🛑٣- مفيش صدأ و بيتأثرش بالمواد الضارة اللى بتأثر على الحديد 🛑٤- الحديد ببتورد علي هيئة لفة طولها ٥٠ متر... و ده هيقلل الهدر جدا جدا.. لان الاسياخ العاديك طولها ١٢ متر و ده بيظهر جدا وانت  shopdrawing بتح...
قراءة المزيد

Plastic Centroid

صورة
 Plastic Centroid 📖 مركز لدونة القطاع الكود المصرى فى تعريفه لمركز اللدونة قال : هو النقطة التى اذا اثرت عندها قوى الضغط القصوى ينتج عنها انضغاطا منتظما فى القطاع و فى بعض الاكواد التانية تعريفه The plastic centroid is the the location of the resultant force produced by the steel and the concrete و اى تعريف منهم صح.. بس ازاى اعرف مكان مركز اللدونة و هستفيد منه بايه؟ 1- location of plastic Centroid علشان احسب مكانه... بحسب القوة الناتجة عن كل مادة الخرسانة P1=0.67 fcu. Ac او لو الكود الامريكي P1=0.85.fc' Ac و بتأثر فى مركز القطاع الحديد P2= fy. As و بيأثر في مركز حديد التسليح و بعد كدة احسب محصلة القوى و مكان تأثيرها مكان تأثير المحصلة ده هو plastic Centroid و ده مثال محلول عن تحديد مكان plastic Centroid عاوزك تلاحظ حاجة لو الحديد اللى فى القطاع متماثل هيكون مركز اللدونة هو نفسه مركز القطاع الخرسانى 2- طب انا بستفيد ايه لما بحدد مكان مركز اللدونة؟ المفروض ان مركز اللدونة ده المكان اللى تأثر فيه قوى الضغط علشان ميحصبش اى عزوم... يعني لو عندي قوى ضغط غير محورية... المفروض احسب اللامر...
قراءة المزيد

First Principals

صورة
First principals 📖 خلينا كدة نتكلم عن اكتر من فرق بين الكود المصرى ECP203-2018 و الكود الأمريكى ACI318-14 فى المبادئ الأولية 1- مقاومة الضغط للخرسانة نظرا لان الكود المصرى بيعتمد فى اختبار الضغط للخرسانة على مكعبات 15*15*15 (fcu) ولكن الكود الامريكى بيعتمد على اسطوانات قطرها 15 سم و طولها 30سم ('fc) fcu =1.25fc' 2- منحنى الاجهاد و الانفعال القياسى للخرسانة اللى بيعتمد عليه كل كود مختلف الكود المصرى بيفرض ان الاجهاد بيفضل ثابت في المرحلة من انفعال 0.002 الى 0.003  انما الكود الامريكى بيعتمد على منحنى مختلف... ان اجهاد الانهيار بيكول اقل من اقصى اجهاد بتتحمله الخرسانة 3- equivalent rectangular stress block لان التعامل مع منحنى الاجهاد و الانفعال صعب... كلا من الكودين بيحول المنحني ده لمستطيل لتبسيط الحل بس فى الحقيقة ان كل كود و عنده اعتبارات مختلفة - الكود المصرى ببفرض ان الاجهاد بيكون 0.67fcu/¥ و ده ناتج من اني باخد في الاعتبار ان سلوك العنصر اقرب لعينة الاسطوانة و بالتالي بضرب في 0.8... و باخد في الاعتبار اختلاف معدل التحميل في المعمل عن ال...
قراءة المزيد