Plastic Centroid

 Plastic Centroid 📖

مركز لدونة القطاع

الكود المصرى فى تعريفه لمركز اللدونة قال :

هو النقطة التى اذا اثرت عندها قوى الضغط القصوى ينتج عنها انضغاطا منتظما فى القطاع

و فى بعض الاكواد التانية تعريفه

The plastic centroid is the the location of the resultant force produced by the steel and the concrete

و اى تعريف منهم صح..

بس ازاى اعرف مكان مركز اللدونة و هستفيد منه بايه؟

1- location of plastic Centroid

علشان احسب مكانه... بحسب القوة الناتجة عن كل مادة

الخرسانة

P1=0.67 fcu. Ac

او لو الكود الامريكي

P1=0.85.fc' Ac

و بتأثر فى مركز القطاع

الحديد

P2= fy. As

و بيأثر في مركز حديد التسليح

و بعد كدة احسب محصلة القوى و مكان تأثيرها

مكان تأثير المحصلة ده هو plastic Centroid

و ده مثال محلول عن تحديد مكان plastic Centroid

عاوزك تلاحظ حاجة لو الحديد اللى فى القطاع متماثل هيكون مركز اللدونة هو نفسه مركز القطاع الخرسانى

2- طب انا بستفيد ايه لما بحدد مكان مركز اللدونة؟

المفروض ان مركز اللدونة ده المكان اللى تأثر فيه قوى الضغط علشان ميحصبش اى عزوم... يعني لو عندي قوى ضغط غير محورية... المفروض احسب اللامركزية من مكان القوة حتى مركز اللدونة و ليس مركز القطاع 👌

بس لأن معظم القطاعات الخرسانية خاصة الاعمدة بتكون متماثلة فى توزيع حديد التسليح و بالتالي مبيبقاش فيه فرق... و حتي لزو ااقطاع مش متماثل... مبيكونش الفرق كبير بين مركز القطاع و مركز اللدونة.

طب ايه يثبت ان المفروض القوى المحورية تأثر في مركز اللدونة مش مركز القطاع؟

بند 4-2-1-3

فى اول سطرين فى البند بيقول ان بيتكلم عن العزوم المصحوبة بقوي محورية تؤثر عند مركز لدونة القطاع و ليس مركز القطاع.