First Principals

First principals 📖

خلينا كدة نتكلم عن اكتر من فرق بين الكود المصرى ECP203-2018 و الكود الأمريكى ACI318-14 فى المبادئ الأولية

1- مقاومة الضغط للخرسانة
نظرا لان الكود المصرى بيعتمد فى اختبار الضغط للخرسانة على مكعبات 15*15*15 (fcu) ولكن الكود الامريكى بيعتمد على اسطوانات قطرها 15 سم و طولها 30سم ('fc)
fcu =1.25fc'


2- منحنى الاجهاد و الانفعال القياسى للخرسانة اللى بيعتمد عليه كل كود مختلف

الكود المصرى بيفرض ان الاجهاد بيفضل ثابت في المرحلة من انفعال 0.002 الى 0.003


 انما الكود الامريكى بيعتمد على منحنى مختلف... ان اجهاد الانهيار بيكول اقل من اقصى اجهاد بتتحمله الخرسانة


3- equivalent rectangular stress block

لان التعامل مع منحنى الاجهاد و الانفعال صعب... كلا من الكودين بيحول المنحني ده لمستطيل لتبسيط الحل بس فى الحقيقة ان كل كود و عنده اعتبارات مختلفة

- الكود المصرى
ببفرض ان الاجهاد بيكون
0.67fcu/¥
و ده ناتج من اني باخد في الاعتبار ان سلوك العنصر اقرب لعينة الاسطوانة و بالتالي بضرب في 0.8... و باخد في الاعتبار اختلاف معدل التحميل في المعمل عن الحقيقة و بالتالى بضرب في 0.85
0.8*0.85= 0.67

و ارتفاع المستطيل ده بيكون ثابت
a=0.8 C
Where
C = ارتفاع محور التعادل


- الكود الامريكى 
ببفرض ان الاجهاد بيكون
0.85fc'

لانه بيعتمد علي العينات الاسطوانية و بالتالى بيضرب في 0.85 نتيجة اختلاف معدل التحميل بس
 
و ارتفاع المستطيل ده بيكون متغير
a=factor C
Where
المعامل ده بيعتمد على مقاومة الخرسانة
و بحسبه من chart 👇👇


4- Tension controlled section

كلما عارفين ان انواع الانهيارات ٣
انهيار شد، متوازن، ضغط
و النوع المفضل هو انهيار الشد لانه  ductile

الاكواد بقي علشان تحقق الامان و تضمن ان الانهيار يكون شد بتحط بعض الشروط

-الكود المصرى
بيشترط ان C للقطاع متزيدش عن ثلثين Cb
Where
C= ارتفاع محور التعادل
Cb = ارتفاع محور التعادل في حالة balanced failure
و بالتالي الامان هنا ان القطاع بيبعد بقيمة ثلث Cb

- الكود الامريكي

الكود الامريكي بيعتمد طريقة مختلفة شوية و هي انه بيحط شروط على انفعال ابعد طبقة في التسليح
يعني ايه؟
تقريبا انفعال الخضوع اللي يضمنلى انهيار شد بيساوي
0.0021 for st 420Mpa
0.00175 for st 350Mpa
و بالتالي الكود علشان يضمن انهيار شد و في نفس الوقت يوفر الامان بيشترط ان انفتال ابعد طبقة في حديد التسليح متقلش عن 0.004 يعني تقريبا ضعف انفعال الخضوع


تعليقات

إرسال تعليق

المشاركات الشائعة من هذه المدونة

GFRP

صورة
GFRP📖 تعرف يعنى ايه GFRP؟ هى قضبان التسليح المركبة “المصنوعة من البلاستيك المقوى بالألياف الزجاجية GFRP Glass fiber reinforced polymer  طب ايه هي مميزاته عن حديد التسليح العادي؟ ركز معايا يا بشمهندس... 🛑١- وزنه تقريبا يساوى ٣٠٪ من وزن الحديد. طب هستفيد ايه من ده ؟ اولا وزن المنشأ هيقل ويالتالي الأحمال هتقل و ده هيظهر اوى فى العناصر كثيفة التسليح ثانيا وزنه الخفيفة بيسهل عملية النقل... يعني ممكن تنقل اطنان منه للموقع فى نقلة واحدة على عكس الحديد العادى 🛑٢-  مقاومة الحديد بتكون تقريبا اربع أضعاف الحديد العادي... بحيث ان اجهاد الخضوع ممكن بيكون فى حدود من ٩٠٠ الي ١٣٠٠ ميجاباسكال... ولكن الحديد العادي غالبا ٣٥٠ او ٤٠٠ او ٤٢٠ ميجاباسكال... و ده هيخليني اقدر أقلل كمية الحديد وزي ما كلنا عارفين سعر الحديد دلوقتي 😳 🛑٣- مفيش صدأ و بيتأثرش بالمواد الضارة اللى بتأثر على الحديد 🛑٤- الحديد ببتورد علي هيئة لفة طولها ٥٠ متر... و ده هيقلل الهدر جدا جدا.. لان الاسياخ العاديك طولها ١٢ متر و ده بيظهر جدا وانت  shopdrawing بتح...
قراءة المزيد

Plastic Centroid

صورة
 Plastic Centroid 📖 مركز لدونة القطاع الكود المصرى فى تعريفه لمركز اللدونة قال : هو النقطة التى اذا اثرت عندها قوى الضغط القصوى ينتج عنها انضغاطا منتظما فى القطاع و فى بعض الاكواد التانية تعريفه The plastic centroid is the the location of the resultant force produced by the steel and the concrete و اى تعريف منهم صح.. بس ازاى اعرف مكان مركز اللدونة و هستفيد منه بايه؟ 1- location of plastic Centroid علشان احسب مكانه... بحسب القوة الناتجة عن كل مادة الخرسانة P1=0.67 fcu. Ac او لو الكود الامريكي P1=0.85.fc' Ac و بتأثر فى مركز القطاع الحديد P2= fy. As و بيأثر في مركز حديد التسليح و بعد كدة احسب محصلة القوى و مكان تأثيرها مكان تأثير المحصلة ده هو plastic Centroid و ده مثال محلول عن تحديد مكان plastic Centroid عاوزك تلاحظ حاجة لو الحديد اللى فى القطاع متماثل هيكون مركز اللدونة هو نفسه مركز القطاع الخرسانى 2- طب انا بستفيد ايه لما بحدد مكان مركز اللدونة؟ المفروض ان مركز اللدونة ده المكان اللى تأثر فيه قوى الضغط علشان ميحصبش اى عزوم... يعني لو عندي قوى ضغط غير محورية... المفروض احسب اللامر...
قراءة المزيد