Cases of Loading

Cases of Loading 📖

خلينا متفقين اننا كمهندسين لازم ناخد اخطر حالة فى التصميم و نصمم أى قطاع على اقصى straining actions ممكن تحصل...

طب كويس.. ما انا لو عندى كمرة مستمرة... بحط الحمل عليها كلها علشان اوصل لاخطر حاله..

فى الحقيقة ان مش ديه ابدا ال critical case و ده اللي بيخلينا نفهم يعني ايه حالات التحميل Cases of loading
و حسب ال straining action اللي عاوز احسبه بعمل حالة التحميل اللي تحقق اقصي قيمة


لو عندي كمرة مستمرة

-لو عاوز احسب اقصى عزم موجب  علي بحر معين... بحط الحمل الحى بشكل تبادلى... يعني احمل باكية و اسيب باكية

- لو عاوز احسب اقصي عزم سالب  علي ركيزة معينة... بحط الحمل علي الباكيتين اللي علي جنب الركيزة و بعد كدة احط الحمل الحى بشكل تبادلى

- لو عاوز احسب اقصي شير... بيكون بنفس طريقة العزوم السالبة... بحط الحمل علي الباكيتين اللي علي جنب الركيزة و بعد كدة احط الحمل الحى بشكل تبادلى

و بعد كدة اصمم القطاع على اقصي عزم موجب في منتصف الباكية و اقصي عزم سالب فوق الركيزة و اقصي شير

طب كويس.... هل لازم اعمل كدة دايما؟؟

في الحقيقة كل كود و ليه شروط

1- ECP203-2018
الكود المصري


الكود بيقول اني لازم اعمل حالات التحميل علشان اوصل لاقصي اجهادات #و_لكن فى حالة المبانى العادية المعرضة لأحمال منتظمة ممكن احمل كل البواكى و أهمل حالات التحميل المختلفة

2-ACI318-14


بيقول بردو اني لازم اخد حالات التحميل في الاعتبار #الا في كذا حالة

- لو الاحمال الحية اقل من 75% من الاحمال الميتة
أو
- كانت طبيعة الاحمال انها يجب تحميلها بشكل متوازي

لو اتحقق اي شرط... ممكن اهمل حالات التحميل و اكتفي باني احط الاحمال الحية علي كل البواكي


تعليقات

إرسال تعليق

المشاركات الشائعة من هذه المدونة

GFRP

صورة
GFRP📖 تعرف يعنى ايه GFRP؟ هى قضبان التسليح المركبة “المصنوعة من البلاستيك المقوى بالألياف الزجاجية GFRP Glass fiber reinforced polymer  طب ايه هي مميزاته عن حديد التسليح العادي؟ ركز معايا يا بشمهندس... 🛑١- وزنه تقريبا يساوى ٣٠٪ من وزن الحديد. طب هستفيد ايه من ده ؟ اولا وزن المنشأ هيقل ويالتالي الأحمال هتقل و ده هيظهر اوى فى العناصر كثيفة التسليح ثانيا وزنه الخفيفة بيسهل عملية النقل... يعني ممكن تنقل اطنان منه للموقع فى نقلة واحدة على عكس الحديد العادى 🛑٢-  مقاومة الحديد بتكون تقريبا اربع أضعاف الحديد العادي... بحيث ان اجهاد الخضوع ممكن بيكون فى حدود من ٩٠٠ الي ١٣٠٠ ميجاباسكال... ولكن الحديد العادي غالبا ٣٥٠ او ٤٠٠ او ٤٢٠ ميجاباسكال... و ده هيخليني اقدر أقلل كمية الحديد وزي ما كلنا عارفين سعر الحديد دلوقتي 😳 🛑٣- مفيش صدأ و بيتأثرش بالمواد الضارة اللى بتأثر على الحديد 🛑٤- الحديد ببتورد علي هيئة لفة طولها ٥٠ متر... و ده هيقلل الهدر جدا جدا.. لان الاسياخ العاديك طولها ١٢ متر و ده بيظهر جدا وانت  shopdrawing بتح...
قراءة المزيد

Plastic Centroid

صورة
 Plastic Centroid 📖 مركز لدونة القطاع الكود المصرى فى تعريفه لمركز اللدونة قال : هو النقطة التى اذا اثرت عندها قوى الضغط القصوى ينتج عنها انضغاطا منتظما فى القطاع و فى بعض الاكواد التانية تعريفه The plastic centroid is the the location of the resultant force produced by the steel and the concrete و اى تعريف منهم صح.. بس ازاى اعرف مكان مركز اللدونة و هستفيد منه بايه؟ 1- location of plastic Centroid علشان احسب مكانه... بحسب القوة الناتجة عن كل مادة الخرسانة P1=0.67 fcu. Ac او لو الكود الامريكي P1=0.85.fc' Ac و بتأثر فى مركز القطاع الحديد P2= fy. As و بيأثر في مركز حديد التسليح و بعد كدة احسب محصلة القوى و مكان تأثيرها مكان تأثير المحصلة ده هو plastic Centroid و ده مثال محلول عن تحديد مكان plastic Centroid عاوزك تلاحظ حاجة لو الحديد اللى فى القطاع متماثل هيكون مركز اللدونة هو نفسه مركز القطاع الخرسانى 2- طب انا بستفيد ايه لما بحدد مكان مركز اللدونة؟ المفروض ان مركز اللدونة ده المكان اللى تأثر فيه قوى الضغط علشان ميحصبش اى عزوم... يعني لو عندي قوى ضغط غير محورية... المفروض احسب اللامر...
قراءة المزيد

First Principals

صورة
First principals 📖 خلينا كدة نتكلم عن اكتر من فرق بين الكود المصرى ECP203-2018 و الكود الأمريكى ACI318-14 فى المبادئ الأولية 1- مقاومة الضغط للخرسانة نظرا لان الكود المصرى بيعتمد فى اختبار الضغط للخرسانة على مكعبات 15*15*15 (fcu) ولكن الكود الامريكى بيعتمد على اسطوانات قطرها 15 سم و طولها 30سم ('fc) fcu =1.25fc' 2- منحنى الاجهاد و الانفعال القياسى للخرسانة اللى بيعتمد عليه كل كود مختلف الكود المصرى بيفرض ان الاجهاد بيفضل ثابت في المرحلة من انفعال 0.002 الى 0.003  انما الكود الامريكى بيعتمد على منحنى مختلف... ان اجهاد الانهيار بيكول اقل من اقصى اجهاد بتتحمله الخرسانة 3- equivalent rectangular stress block لان التعامل مع منحنى الاجهاد و الانفعال صعب... كلا من الكودين بيحول المنحني ده لمستطيل لتبسيط الحل بس فى الحقيقة ان كل كود و عنده اعتبارات مختلفة - الكود المصرى ببفرض ان الاجهاد بيكون 0.67fcu/¥ و ده ناتج من اني باخد في الاعتبار ان سلوك العنصر اقرب لعينة الاسطوانة و بالتالي بضرب في 0.8... و باخد في الاعتبار اختلاف معدل التحميل في المعمل عن ال...
قراءة المزيد